|

Paglilinis

online illus_20-21_tula 1 jpg1

■ Sheila Abarra

Nakasanayan ko na,

ngunit iba ang araw na ito,

wala dapat kikilalaning

alikabok ang mga sulok

ng dingding.

Araw-araw akong

naglalaba

para may makain kami ni Buknoy.

Napakasakit bilang isang panganay

ang makitang mamulot ng plastik

ang bunsong kapatid

para lang sa isang pakete ng noodles.

Matagal na rin kitang inalisan

ng karapatan bilang

ina ko.

Dahil sana

nandito ka,

ngunit iniwan mo na

kami, maging ang katawan mo,

dumating ka rito

upang iyakan,

dumating ka rito

upang maging rason

sa inumagang

kapihan at tong-itan,

dumating ka rito

upang tuluyang mawala.

Hindi ko naman alam Stella,

kung bakit, ngunit wala na akong

balak alamin.

Sapat na ang bulong-bulungan

na pinatay kang walang sala.

Kasama ng daan-daang

dinaanan ng

naglipanang

bomba.

Sapat na ang mga

liham mo

para sa amin

na kasabay mong

iniuwi rito sa Maynila

Nababasa ko ang

pagtapik mo sa amin

ni Buknoy sa bawat pagtulog,

nababasa ko ang mga halik,

at pagiging ina mo.

Ngayong gabi

ang huling lamay.

Aalisin ko ang

kahapon na naglambitin

sa kisame.

Hindi na maaalala,

dahil lumot na

lamang sa alala

ang babara sa lababo.

Wawalisin ko ang sala,

ilalim ng telebisyon,

aparador at lamisita.

Dadakutin ang anumang

dumi.

Pupunasan ang ibabaw

ng mga tukador

upang hindi dumikit

ang gabok.

Hilod sa bawat sulok

at saka muling

uulitin ang pagpupunas.

Pagkatapos, wiwikain

sa aking sarili:

malinis na,

malinis na ang lahat. ■

Short URL: http://www.philippinecollegian.org/?p=12115

Posted by on Jul 24 2017. Filed under Featured Story, Lathalain / Kultura. You can follow any responses to this entry through the RSS 2.0. You can leave a response or trackback to this entry

Leave a Reply

Recently Commented

  • Jomar B. Villanueva: Magaling. (Hindi ako naluluha, hindi.)
  • Alexander Absalon: In this time when truth is besieged with lies and malice, Philippine Collegian comes in handy and...
  • Andrew: Good day Sir/Madame: Can I ask anyone here for a contact details of UPM-SHS-ECSC. Thank you & God bless
  • carlo zapanta: can you update me for the case of the student named hina who has been stabbed by danmar vicencio last...
  • Nino jesus Garcia: Is really for real.